Кантрольны тэст

1. Дапоўніце сказы:

• Указанне на тое, як значэнне або функцыя моўнай адзінкі выяўляецца лексічнымі і граматычнымі сродкамі, – гэта…
• Маўленчыя акты, якія афармляюць з дапамогай мовы розныя тыпы сацыяльных канвенцый, – гэта…
• Маўленчыя акты, якімі моўца прадпісвае, практычна пабуджае адрасата да здзяйснення/нездзяйснення чаго-небудзь, – гэта…
• Рознага роду рухі цела, рук або кісцей рук, якія суправаджаюць у працэсе камунікацыі маўленне чалавека і выказваюць стаўленне чалавека непасрэдна да суразмоўцы, да нейкай падзеі, прадмета, сведчаць пра жаданні і стан чалавека, – гэта…
• Вобраз рэальнага факта, падзеі, з’явы, асобы, які фарміруецца пад уздзеяннем СМІ, рэкламы і дзейнасці іміджмэйкераў, – гэта…
• Уяўленне пра спосаб аб’яднання тэарэтычных хадоў у адзінае цэлае (камунікатыўную стратэгію) – гэта…
• Глабальная сацыяльна-камунікацыйная камп’ютарная сетка, прызначаная для задавальнення асобасных і групавых камунікацыйных патрэб за кошт выкарыстання тэлекамунікацыйных тэхналогій, – гэта…
• Звесткі, якія перадаюцца людзьмі адзін аднаму вусным, пісьмовым або іншым спосабам, – гэта…
• Найдрабнейшыя адзінкі руху, з якіх складаюцца паводзіны, – гэта…
• Упарадкаваная сістэма знакаў і правілаў карыстання імі – гэта…
• Маўленчыя акты прыняцця абавязацельстваў, накіраваныя на самога моўцу, – гэта…
• Спецыфічны абмен інфармацыяй, працэс перадачы эмацыйнага і інтэлектуальнага зместу – гэта…
• Правілы паводзін у рэгламентаваных грамадствам маўленчых сітуацыях – гэта…
• Інфармацыя, прадмет пазамоўнай рэчаіснасці, пра які гаворыцца ў паведамленні, – гэта…
• Адпраўнік паведамлення – гэта…
• Атрымальнік паведамлення (слухач, чытач) – гэта…
• Узаемадзеянне, у выніку якога становяцца магчымымі зносіны, абмен інфармацыяй, – гэта…
• Схаванае кіраванне паводзінамі чалавека, якое здзяйсняецца дзеля якой-небудзь выгады таго, хто кіруе, – гэта…
• Усе змены выразу твару чалавека, якія можна назіраць у працэсе зносін, – гэта…
• Становішча спраў, г. зн. думка, аддзеленая ад суб’екта выказвання, – гэта…

 

2. Адзначце назоўнікі, якія ў форме роднага склону адзіночнага ліку маюць канчатак -у,-ю:

1) квас;                                   4) падручнік;

2) унук;                                   5) розум.

3) сацыялізм;

 

3. Знайдзіце словазлучэнне, у якім дапушчана граматычная памылка:

1) чорнае какаду;                   4) гасцінны Тбілісі;

2) сонечны россып;                5) прыўзнятае брыво.

3) стары шынель;

 

4. Адзначце словы, якія пішуцца з вялікай літары:

1) (К,к)аложская царква;                4) (Б,б)еларускія краявіды;

2) (Б,б)алгарскі перац;                    5) (П,п)аўночнае ззянне.

3) (Б,б)агдановічаў санет;

 

5. Адзначце словы, якія пішуцца з вялікай літары:

1) (З,з)аходнія славяне;                    4) планета (М,м)арс;

2) (В,в)асілёў сын;                           5) (Г,г)аландскія сыры.

3) (Л,л)ермантаўская прэмія.

 

6. 6.Знайдзіце словазлучэнне, у якім няправільна ўтвораны прыналежны прыметнік або дапушчана памылка ў напісанні суфікса прыметніка.

1) матчыны рукі;                    4) Сярожына паліто;

2) Петрусёў бацька                5) буслава гняздо.

3) даччына кніга;

 

7. Знайдзіце словазлучэнне, у якім няправільна ўтвораны прыналежны прыметнік або дапушчана памылка ў напісанні суфікса прыметніка.

1) Надзеў муж;                       4) Алёшына жыццё;

2) Антонавы сыны;                5) ластаўчына гняздо.

3) Алесеў баян;

 

8. Адзначце сказы, у якіх ужыта правільная форма ступені параўнання прыметніка.

1) Ён падумаў, што гэта будзе больш эфектыўны сродак уздзеяння.

2) Раніцай грыбы самыя мацнейшыя і свежыя.

3) Няма пачуцця мацней за каханне.

4) Шчасце гэтага лета было самае вялікае шчасце іх жыцця.

5) Найвышэйшая ўлада на свеце – матчына.

 

9. Адзначце сказы з граматычнымі памылкамі:

1) Вася ўжо вялікі, вышэй бацькі нават.

2) Самай найцяжэйшай была дарога праз горны перавал.

3) Кажуць, што ў дрэў крона каранёў ледзь не ўдвая большая за крону, якую мы бачым.

4) Лёсу не прасі ты лягчэйшага.

5) Сястра старэйшая Пецю на два гады.

 

10. Адзначце дзеепрыметнікі, не ўласцівыя беларускай мове:

1) адтаяўшая зямля;               4) раскладзенае вогнішча;

2) асветлены сонцам;             5) парослы травой;

3) сцякаючыя ручайкі.

 

11. Адзначце сказы з няправільна ўжытымі дзеепрыслоўямі:

1) Назбіраўшы поўныя кошыкі грыбоў, хлопцаў захапіў грыбны азарт.

2) Увайшоўшы ў клас, настаўнік пачаў урок.

3) Вучачыся ў школе, мне ўсё больш падабалася прафесія настаўніка.

4) Гледзячы праз акно, успамінаю малюнкі роднага горада.

5) Адпачываючы, рукі зноў пацягнуліся да працы.

 

Ключы да кантрольнага тэста

 

1. 1) Дэйксіс	11) Камісівы	2. 1, 3, 5
2) Дэкларацыі	12) Камунікацыя	3. 1
3) Дырэктывы	13) Канвенцыя	4. 1, 3
4) Жэсты	14) Рэферэнт	5. 2, 3, 4
5) Імідж	15) Адрасант	6. 4
6) Інтэнцыя	16) Адрасат	7. 4
7) Інтэрнэт	17) Кантакт	8. 1, 4, 5
8) Інфармацыя	18) Маніпуляцыя	9. 1, 2, 5
9) Кінема	19) Міміка	10. 1, 3
10) Код	20) Прапазіцыя	11. 2, 4, 5

 

Ацэнка кантрольнага тэста

 

Балы	Аб’ём і правільнасць выканання задання
1	Правільна выканана менш за 20 % заданняў
2	Правільна выканана 20 % заданняў
3	Правільна выканана 30 % заданняў
4	Правільна выканана 40 % заданняў
5	Правільна выканана 50 % заданняў
6	Правільна выканана 60 % заданняў
7	Правільна выканана 70 % заданняў
8	Правільна выканана 80 % заданняў
9	Правільна выканана 90 % заданняў
10	Правільна выкананы ўсе заданні